આગામી તા. ૬ ઓગસ્ટ ૨૦૨૩ના રોજ યોજાનાર રાજ્યની મહાનગરપાલિકાઓ – નગરપાલિકાઓની પેટા ચૂંટણીઓમાં શ્રમયોગીઓને મતદાન માટે રજા આપવાની રહેશે
શ્રમ આયુક્તશ્રીની યાદીમાં જણાવાયું છે કે, રાજયની મહાનગરપાલિકાઓ અને નગરપાલિકાઓની પેટા ચૂંટણીઓમાં આગામી તા. ૬ ઓગસ્ટ -૨૦૨૩ રવિવારના રોજ સવારે ૭.૦૦ કલાકથી સાંજના ૬.૦૦ કલાક સુધી મતદાન યોજાનાર છે. જે વિસ્તારના ગુજરાત શોપ્સ એન્ડ એસ્ટાબ્લિશમેન્ટ (રેગ્યુલેશન ઓફ એમ્પ્લોયમેન્ટ એન્ડ કંડીશન્સ ઓફ સર્વિસ) એક્ટ- ૨૦૧૯ હેઠળ નોંધાયેલ સંસ્થાઓના શ્રમયોગીઓ/ કર્મચારીઓ પોતાના મતાધિકારનો ઉપયોગ કરી શકે તે માટે ખાસ રજા મંજૂર કરવાની રહેશે તેમજ કર્મચારીના પગારમાંથી કોઇ કપાત કરવાની રહેશે નહીં.
આ જાેગવાઇ અનુસાર રોજમદારે/ કેજ્યુઅલ કામદારો પણ મતદાનના દિવસે રજા અને વેતનના હકદાર રહેશે. જે કોઇ માલિક જાેગવાઈ વિરુદ્ધનું વર્તન કરશે તો દંડ અને શિક્ષાને પાત્ર રહેશે તેમ, યાદીમાં વધુમાં જણાવાયું છે.
Recent Comments