‘૨૦૨૪ની લોકસભા ચૂંટણીમાં PM મોદી હારી જશે’ : રાહુલ ગાંધી

અમેરિકાના પ્રવાસે ગયેલા પૂર્વ કોંગ્રેસ અધ્યક્ષ રાહુલ ગાંધી કેન્દ્રની મોદી સરકાર અને ભાજપ પર સતત પ્રહારો કરી રહ્યા છે. ભારતીય સમય અનુસાર, ગુરુવારે મોડી રાત્રે તેમણે પીએમ મોદી વિશે ફરી એકવાર મોટી વાત કરી. અહીં વોશિંગ્ટનની નેશનલ પ્રેસ ક્લબમાં પત્રકારોના પ્રશ્નોના જવાબ આપતા તેમણે કહ્યું કે મને નથી લાગતું કે નરેન્દ્ર મોદી ૨૦૨૪ની લોકસભા ચૂંટણી જીતશે. પ્રેસ કોન્ફરન્સ દરમિયાન કોંગ્રેસ નેતા રાહુલ ગાંધીએ કર્ણાટક ચૂંટણીમાં જીતની ચર્ચા કરતા કહ્યું કે આ ઉપલબ્ધિનું એક મુખ્ય કારણ બેરોજગારી અને વધતી કિંમતો છે. આપણે એમ ન કહી શકીએ કે ભારતીય અર્થવ્યવસ્થા ખૂબ સારી રીતે ચાલી રહી છે. રાહુલે કહ્યું કે વિપક્ષ સંપૂર્ણ રીતે એક થઈ રહ્યો છે અને અમે ભાજપને હરાવીશું. તેમણે કહ્યું કે આ વખતે પરિણામો ચોંકાવનારા હશે.સાથે જ તેમણે કહ્યું કે ભારતમાં પ્રેસની સ્વતંત્રતા નબળી પડી રહી છે, જે કોઈનાથી છુપાયેલી નથી અને આ વાત બધા જાણે છે. મને લાગે છે કે લોકશાહી માટે પ્રેસની સ્વતંત્રતા મહત્વપૂર્ણ છે અને ટીકા સાંભળવી જાેઈએ. તે માત્ર પ્રેસની સ્વતંત્રતા નથી, તે દરેક જગ્યાએ થઈ રહ્યું છે. સંસ્થાકીય માળખા પર પણ સ્ક્રૂ કડક કરવામાં આવી રહ્યા છે. તમારે આ સવાલ વડાપ્રધાન નરેન્દ્ર મોદીને પૂછવો જાેઈએ. મને ખબર નથી કે તમે આ કેવી રીતે કરશો પરંતુ તમારે પૂછવું જાેઈએ.આ દરમિયાન તેમણે કહ્યું કે ભારતમાં ખૂબ જ મજબૂત સિસ્ટમ્સ છે જે પહેલાથી અસ્તિત્વમાં છે, તે સિસ્ટમ નબળી પડી ગઈ છે. જાે લોકશાહી પ્રણાલીને પ્રોત્સાહન આપવામાં આવશે તો આ પ્રશ્નો આપોઆપ ઉકેલાઈ જશે. તમારી પાસે સંસ્થાનું એક સ્વતંત્ર જૂથ હોવું જાેઈએ જે દબાણ અને નિયંત્રણમાં ન હોય. કોંગ્રેસ પાર્ટી એ સંસ્થા છે જેણે સંસ્થાઓની કલ્પના કરી. અમે તેમને અમારી સંસ્થા તરીકે જાેતા નથી. અમે તેમને રાજ્યની સંસ્થા તરીકે જાેઈએ છીએ.જણાવી દઈએ કે ઇન્ડિયન ઓવરસીઝ કોંગ્રેસના અધ્યક્ષ સેમ પિત્રોડા અને અન્ય ઘણા સાથીદારો પણ તેમની સાથે યુએસ ટૂર પર ગયા છે. આ દરમિયાન તેમણે તેમની સાંસદ સભ્યપદ રદ કરવાનો મુદ્દો પણ ઉઠાવ્યો હતો. રાહુલ ગાંધીએ કહ્યું કે તેઓ કદાચ ભારતમાં એવા પ્રથમ વ્યક્તિ હશે જેમને માનહાનિના કેસમાં સૌથી વધુ સજા થઈ હોય.